يعود الينا مهرجان موازين من جديد في اطلالته الثانية عشر وسط انقسام في الشارع المغربي بين مؤيد ومعارض.
مهرجان ذو استقطاب دولي ووطني بفنانين من جنسيات متعددة ولكن المفارقة تكمن في تكلفة البعض والبعض الاخر.فالفنان المغربي للاسف ياتي في المرتبة الاخيرة من حيت التكلفة.والمرتبة الثانية اي المتوسطة تكمن في المطربين من المشرق العربي بمبالغ محترمة.اما الطامة الكبرى فمبالغ استقطاب الفنانين الغربيين.'' عباد الله مالاقيا لا فين تبات لا فين تخدم والبراني يجي يضرب مليار باردة فساعة ويخلينا كي كنا''.
من جهة فان المهرجان ممول من شركات خاصة كما يقال. لكن للاسف المواطن المغربي مطالب بطريقة غير مباشرة باش يخلص طريطة باش جبنا الفنانين لكبار بعدة طرق معروفة. ناهيك عن الضرفية لي كايجي فيها المهرجان توازيا مع الامتحانات الدورة النهائية في جميع الشعب والمدارس والكليات وهادي ماشي مصادفة حيت الصيف طويل لي يدير مهرجان في بدايات الموسم الصيفي قادرر يؤجله لاواخر الموسم الصيفي. والمشكل الاخر والخطير هو ارتفاع مبيعات الخمر والقرقوبي والحشيش في ايام المهرجان يمكن هادشي لي كايسميوه المسؤولين على موازين عائدات اقتصادية والتي للاسف كتكون عندها تبعات سلبية.لكن رغم الرفض الجماهيري الكبير للمهرجان والميازانية الضخمة التي تتبخر في ايام قلال دون عائدات فهناك فئة كبيرة مؤيدة للمهرجان والتاييد ليس بالضرورة شفاهي ولكن ''كاتلقاه نهار الاول شاد بلاصتو باش يزها مع صحابو'' .
هذا واقع معيش افتراق في الاراء بين مؤيد ومعارض وفي الاخير لي باغي المهرجان يمشي ينشط ويهنينا ولي رافض موازين يشد لرض راه بيك ولا بلا بيك غايدوز هاد العام ولي موراه .
0 commentaires:
Enregistrer un commentaire